Bamukubidde enduulu ey'oluleekereke nga bamwaniriza ku kkanisa yaabwe e Kawaala.
Ye Mutabani wa Yiga Andrew Jengo bwe yabadde ayogera eri endiga za kitaawe, yagambye nti ekkanisa yaabwe efunye amaannyi agenjawulo okuva lwe bakyazizza Bro. Ronnie.
Yagambye nti wadde akaseera ke balimu kaakukungubaga, nti naye okufa kwa kitaawe ate kuleese omukisa gwa musajja wa Katonda gw'aludde nga yeegomba olw'ebyamagero by'aludde ng'awulira nti akolera abantu abenjawulo.
Bwe yabadde ayogera eri abakungubazi, Bro. Ronnie yabakubirizza obutaba na mutima gwa bujja ng'abamu ku basumba b'abalokole.
Makabai yagambye nti kya nnaku nnyo okulaba nga abantu Paasita Ssenyonga batuuka okwefuula abalamuzi ba Katonda ne basalira Yiga omusango.
Yagambye nti obuzibu bwa Ssennyonga musajja wa buggya nnyo atalina muntu yenna gw'ayagaliza kalungi konna.
Yasuubizza okukwatirako Jengo mutabani wa Yiga okulaba ng'ekkanisa egenda mu maaso
