Shamim Nakimbugwe 40, alaajanidde abazirakisa okumuyamba azzeeyo mutabani we Muzafalu Ssenfuka 18, mu ddwaaliro alongoosebwe oluvannyuma lw'okugulu mwe baateeka ekyuma okutandika okuvunda.
Ssenfuka yatomerwa mmotoka bwe yali agenda ku kkanisa ya Bugingo okusaba. Nakimbugwe yategeezezza nti mu ddwaaliro beetaaga obukadde butaano okuddamu okumulongoosa z'atalina n'asaba abantu bamuyambe ataase obulamu bwa mutabani we.
Kansala Kasule yamukyaliddeko n'ategeeza nga bwagenda okuyitayita mu bannabyabufuzi banne bayambe omwana ono. Maama wa Ssenfuka ali ku ssimu nnamba 0788184431/0755543853.
