Bya Benjamin Ssebaggala
AKAKIIKO akagaba n'okusunsula abakozi mu minisitule y'ebyenjigiriza (Education Service Commission) kayise abasomesa UNEB be yasunsudde abagenda okutegeka ebigezo abayizi bye bakola.
Omuwandiisi w'akakiiko kano Asuman Lukwago mu bbaluwa gy'awandiikidde akulira UNEB Dan Odong, ategeezezza nti akakiiko kakkirizza okusaba kwe baataddeyo okusunsula abasomesa abagenda okutegeka ebigezo.
Lukwago alagidde UNEB eyite abasomesa bonna bakung'aanire mu bifo ebitwala ebitundu byabwe (Centres) basobole okukola yintaviyu.
Ategeezezza nti buli agenda okugezesebwa alina okugenda n'ebbaluwa okuva mu UNEB emukakasa nti yalondebwa okukola omulimu guno.
