Omu ku bavuganya ku kifo ky'obwa pulezidenti, Willy Mayambala ategeezezza nga bw'asazizzaamu kampeyini ze olw'omuwendo gw'abalina ekirwadde kya Covid 19 okweyongera mu ggwanga okuli n'abamu ku bannabyabufuzi ababadde bavuganya abatandise okufa.
Mayambala yasinzidde mu lukungaana lwa bannamawulire lwe yatuuzizza mu maka ge e Nantabuulirirwa mu ggombolola y'e Goma mu disitulikiti y'e Mukono n'ategeeza nti agenda kutuukirira ab'akakiiko k'ebyokulonda abategeeze ku ngeri gy'agenda okunoonyaamu akalulu omuli okukozesa amasimu wamu n'emikutu gy'ebyempuliziganya emirala.
Source