DAYIREKITA wa Kampala, Dorothy Kisaka atongozza entegeka empya ey'okuyonja ekibuga. Alagidde kkampuni zonna eziyoola n'okutambuza kasasiro zikole kiro.
Bannakampala abamansa n'okusuula kasasiro bagenda kulondoolwa bakwatibwe. Kkampuni n'abakozi ba KCCA balagiddwa baddemu basomese Bannakampala bwe bateekeddwa okukwatamu kasasiro waabwe.
Ku Ssande, Kisaka yakulembedde ttiimu y'abakungu mu KCCA okwabadde
Dr. Daniel Okello ne bagenda mu Kisenyi okutongoza entegeka empya ku buyonjo mu kibuga. Entegeka eno etuumiddwa Kampala Smart City.
Kisaka yasiimye kkampuni eya Nabugabo Joint Venture Ltd., Consortium ne Homekline eziyoola kasasiro.
Mmeeya omulonde owa Kampala Central, Salim Uhuru yasiimye Kisaka kyokka
n'amutegeeza nti kasasiro yeetaaga ssente nnyingi era Gavumenti emwongere endala.
