Bya Edward Luyimbaazi
Ekitongole kya KCCA nga bali wamu ne Balimwezo Community Foundation batongozza okufuuyira ebiku n'ebiyenje nnyumba ku nnyumba mu munisipaali y'e Nakawa ne Kinnawataka .
Okufuyiira ebiku n'ebiyenje kukulembeddwamu Mmeeya era omubaka omulonde owa Nakawa East, Ronald Balimwezo nga kino kyavudde ku batuuze abamu mu kitundu okwemulugunya ku biku n'ensiri ezisusse mu kitundu kino ekiviiriddeko abaana okulwala endwadde ez'enjawulo okuli omusujja gw'ensiri wamu n'eziva ku bucaafu .
Alabudde abatuuze bano okukomya okubeera abacaafu kubanga ekikoleddwa okubalongosa kiwonya bulamu bwabwe kubanga kati KCCA yakyusizza mu nkola nga buli muntu anasangibwa ng'ayiwa kasasiro mu myala oba ku kkubo wa kuvunaanibwa n'okusasula engassi ya bukadde 2.
Yagambye nti kati ali ku kaweefube w'okulaba nga buli mutuuze w'e Nakawa yeekuuma nga muyonjo era nga baakufuuyira buli kitundu ekiri mu Nakawa. Abatuuze b'e Kinnawataka baagambye nti ebiku, emmese, ensowera n'ebiyenje bibade bibatawaanya.
