Abasuubuzi mu katale k'e Nakasero bakeeredde mu bunkenke bwe batuuseemu nga bayiyeemu poliisi. Batugambye nti Minisita wa Kampala, Betty Amongi abadde asuubirwa okugendayo okuteeka ekiragiro kya Pulezidenti ekyokugoba abakulembeze b'obutale abakadde mu nkola.
Poliisi yabadde edduumirwa omuduumizi wa poliisi mu Kampala South. Abakulembeze ababaddeko abakulemberwa Ssentebe Godfrey Kakooza tebaabaddewo kyokka ekiwayi ekibadde kirwanyisa obukulembeze obubaddeko nga kikulirwa Muky. Farida Kimuli baabaddewo.
