OMUBAKA abadde akiikirira Munisipaali y'e Kamuli Rehema Watonola afudde obulwadde bwa Covid 19.
Ono abadde akomyewo okukiikirira ekitundu kino naye ng'ali ku bwannamunigina oluvannyuma lw'okuwangulwa mu kamyufu ka NRM Masitula Namatovu.
Ono ye mubaka owookubiri okufa obulwadde bwa Covid 19 ng'eyasooka MP Faith Alupo eyali akiikirira abakazi mu Pallisa Disitukiti eyafa mu September w'omwaka guno.
Ku Lwokuna nga November 12, Uganda yabadde erina abalwadde 15,402 abalwadde ba Covid-19, noolwekyo okufa kwa Watongola kwongeddeko ku balwadde okuva ku 144 kwe tubadde. Abasusse bali 8,038 .
Mu 2017, Watongola yawangula eky'obubaka wa palamenti obwa Kamuli munisipaali oluvannyuma lw'okuwangula abantu 4 be yavuganya nabo okwali n'owa (FDC), Proscovia Salaamu Musumba.
