Omuwala bamusse mu bukambwe e Ssanga

BYA WASSWA B. SSENTONGO

Abatuuze ku kyalo Ssanga mu ggombolola y'e Gombe mu disitulikiti y'e Wakiso baguddemu ekyakango bwe basanze mutuuze munnaabwe ng'attiddwa mu bukambwe  oluvannyuma lw'okumusobyako.

Eyattiddwa ye Rashidah Nakato Nakalyoowa 22, ng'abadde mutuuze w'e Bugulube Ssanga.  Nakato baasoose kumusobyako oluvannyuma ne bamutuga omulambo gwe ne bagusuula ku kkubo.

Abatuuze nga baggyayo omulambo gwa Nakalyoowa gye gwasuuliddwa. Mu kifaananyi ekitono Nakalyoowa bw'afaanana.

Nakalyoowa okuttibwa yabadde ava mu lumbe ewa nnyazaala we e Kyaggwe nga yabadde yaakatuuka awaka ne wabaawo abamukubira essimu kyokka bwagenze okukya ng'attiddwa.

Kkansala akiikirira abavubuka b'e Ssanga, Kennedy Kayongo asabye poliisi okunoonyereza abasse omuwala ono era n'avumirira ekikolwa kino.