BWANNAMUKULU w'e Lubaga, Faaza Achilles Mayanja avumiridde ekiwambabantu ekigenda mu maaso mu ggwanga ekituuse okusuza Bannayuganda nga beeraliikirira.
Yabadde mu Mmisa ey'okusabira bakansala bonna abaayitamu mu Munisipaali y'e Lubaga, ku Lutikko e Lubaga. Fr. Mayanja yasabye abantu abakwatibwa batwalibwe mu kkooti bawozesebwe bwe baba balina emisango okusinga okubabuzaawo eggwanga ne liba ng'eritaliimu nfuga y'amateeka.
"Mulekeraawo okuyoola abantu ng'abayoola embwa oba enkoko ne mubatwala okubatulugunya,'' bwe yagambye.
