Bya BENJAMIN SSEBAGGALA
OMUBAKA wa Munisipaali y'e Mukono Betty Namboozi akulembedde abakulembeze be baalonze ku tikiti ya NUP ne bagenda basisinkana pulezidenti wa NUP, Robert Kyagulanyi (Bobi Wine) e Magere.
Abakulembeze bano baloopedde Kyagulanyi nti bakoze ebyamaanyi ne bakyusa obukulembeze era e Kayunga baasudde aba NRM ne balonda Ffeffekka Sserubogo owa NUP ate Mukono baalonze Rev. Peter Bakaluba ye Ssentebe wa disitulikiti.
Robert Peter Kabanda eyawangudde obwa ssentebe wa Mukono Central Division ayogedde ku lwa Bassentebe n'ategeeza Kyagulanyi nti Omubaka Nambooze gwe yabakwasa akoze omulimu mu Greater Mukono.
Kabanda agambye nti ye teyamanya ssentebe w'akakiiko k'ebyokulonda Omulamuzi Simon Byabakama gye yaggya bye yalangirira kubanga e Mukono baalonda Kyagulanyi.
Abeetabye mu nsisinkano eno kuliko Ababaka ba palamenti, Bassentebe bamagombolola, Mmeeya, ne Bakansala ku mitendera egy'enjawulo okuli abakiika ku disitulikiti ne ku ggombolola.
