BYA JALIAT NAMUWAYA
EKITONGOLE ekivunanyizibwa kumutindo gw'ebintu ekya UNBS kiwadde abasuubuzi abakubi b'obuwunga mu ggwanga okutuuka mu mwezi gwa June omwaka guno buli omu abeere ng'amaze okufuna akabonero ak'omutindo akamukkiriza okukuba n'okutunda obuwunga oba si kyo baakubaggala .
Bino byayogedwa avunanyizibwa kukugaba obubonero bw'omutindo mukitongole kino ,Ronald Ahimbisibwe bweyabadde asisinkanye abakubi b'obuwunga mu Kampala nga bano bakunganide Ku Josmone hotel e Nateete mulukungana olwagenderedwamu okubajjukiza byebatekedwa okusa munkola bwebaba nga bakusigala mu mulimu guno .
Ahimbisibwe yategeezeza nti abasuubuzi abakubi b'obuwunga baze babategeeza kunsonga y'omutindo mubyebakola naddala obuyonjo okuva mu mwaka gwa 2018 naye nga besulirayo gwanagamba ekintu ekyongede okuteeka obulamu bw'abo abalya obuwunga bwebakola naddala ab'amasomero mu matiga .
Mu mbeera nga amasomero obudde bwonna ganatera okuddamu okugulwawo mubungi UNBS eyagala abakubi b'obuwunga babeere nga bamaze okutuukiriza ebintu ebisinga obungi.
Akulira ekibiina omwegattira abakubi b'obuwunga ekya Rubaga Millers association ,Richard Sserwadda ,naye banne tabatide kuliiso era abasabye batuukirize ebisanyizo UNBS byebasabye .
Gwe omukubi w'obuwunga okuwebwa akabonero k'omutindo otekedwa okubeera omuyonjo mukifo w'okolera ,otekedwa okubeera nga ebyuma by'okoze okukuba obuwunga buno sibitalavu , ekifo ky'okoleramu kitekedwa okubeera nga wekiri wazimbibwa bulungi tekiri mukyangala ate era naabo abakuba obuwunga balina okubeera nga bambala bulungi mungeri y'okwesabika era nga buli lwebafulumako wabweru w'ekizimbe webakolera banaaba engalo ,ekifo era kitekedwa okubeera ne kabuyonjo ennyonjo ddala .
Moses Tuuma akulira abakubi b'obuwunga mukisenyi yategeezeza nti bagezezako okusa munkola UNBS byebasaba lwakuba balina okusomozebwa nti bangi kubo webakolera bapangisawo bupangisa ekibazibuwaliza okusa munkola ebintu ebimu nga obuyonjo bwazikabuyonjo kuba zibeera zalukale .
Wabula awadde abasuubuzi amagezi abesobola balowooze ku ky'okufuna ebifo ebigazi webakolera nga kino kigya kubanguyiza okutuukiriza ebyo UNBS byeyetaga.
