Agamba tasobola kugenda mu maaso na kukulembeera bantu abatasiima n'okumuyisaamu amaaso ssako abamu okumusalako ebigambo.
Ykee Benda era ategeezezza ng'ekifo bwe kimulemesezza okutuukiriza obuvunaanyizibwa bwe obulala nga okufuna obudde bwa famire ye obumala n'obudde obumala okukola myuziki.
W'asuliddewo tawulo nga waakayita emyezi mibale bukya akwata ntebe eno okudda mu kifo kya Sophie Gombya naye eyagisuulawo n'agenda mu by'obufuzi.
Wadde nga abadde n'obuwagizi mu bayimbi abamu ababadde bamulinamu essuubi, asanze okusoomoozebwa okw'amanyi mu bayimbi abamu ababadde bamuyisamu amaaso nga bagamba nti talina busobozi bubakulembeera kubanga muto mu myaka ate si y'omu ku bayimbi abasinga okukuba emiziki mu ggwanga.
Kyokka abawagizi ba Ykee Benda aboogera bino bazze babaanukula nga bamuwolereza nti okuba omukulembeze omulungi tekikwetagisa kuba mukulu mu myaka oba kuba na ‘hiiti' ng'omuyimbi
Okulekulira kwa Ykee Benda kitegeeza nti Cindy Ssanyu abadde omumyuka we kati y'agenda okudda mu bigere bye okutuusa okulonda kw'abakulembeze b'ekibiina ya UMA abapya.
Abaliko ekisanja kyabwe kiggwako mu myezi esatu.
