OMUKOZI mu minisitule y'ensonga z'omunda mu ggwanga asimbiddwa mu kkooti e Nakawa n'aggulwako omusango gw'okusaba ssente n'ekigendererwa ky'okubba n'asindikibwa ku limanda mu kkomera e Kigo.
Jesca Kalinge 32, omutuuze w'e Kira mu disitulikiti y'e Wakiso, akola mu kitongole ekivunaanyizibwa ku paasipooti yasimbiddwa mu kkooti e Nakawa.
Omuwaabi wa gavumenti Barbara Kyomugisha yategeezezza nti nga March 12, Kalinge ng'ali ku mulimu n'ekigendererwa ky'okubba, yasaba 350,000/- okuva ku Yona Mugoya. Omusango yagwegaanyi, omulamuzi Odwori n'amusindika ku limanda okutuusa nga April 8, 2021.
