Kitalo! Munnamawulire Kavuma Kaggwa afudde
Omutaka w'e Kyaggwe Joseph Mukuba Kavuma Kaggwa afudde olwaleero nga busasaana.
Kaggwa 85 abadde muwandiisi w'amawulire okumala emyaka mingi.
Yayawukanye nab'ennyumba ye ku ssaawa 4:00 ez'ekiro n'agenda okwebaka wabula ku ssaawa nga 9:00 mu matumbi budde agenze okuwulira nga takyasobola kussa bulungi bagezezaako okukola ekisoboka naye ng' embeera eyongera kutabuka era tezze mabega n'afa ku ssaawa nga 11:00 ng'obudde bukya.
Batutegeezezza nti omugenzi abadde atawaanyizibwa obulwadde bwa pulesa okumala ebbanga.
Omulambo guli ku Rhino Funeral Home, era ng'enteekateeka z'okumuziika zaakulangirirwa gye bujja
Kaggwa yawandiikirako amawulire New Vision okumala ekiseera.
Yaliko omuwabuzi wa Kabaka ku nsonga z'e Mmengo era yakolako mu Kenya Airways.
Kaggwa ayogerwako ng'omulwanirizi w'eddembe ly'obuntu era eyalwanirira ennyo okwenunula kwa Uganda ng'ali mu buwanganguse e Kenya.
Kigambibwa nti abadde munywanyi wa Puledidenti Museveni.
