SSENGA nnina emyaka 23 naye seegattangako na muwala yenna . Ntya okufuna obulwadde ate ntya nnyo emisango. Nkoze ntya kubanga njagala kulindako nga mpezezza emyaka nga 25. Bahhamba nti ssinga ndwawo nnyiza okufuna obuzibu mu maaso eyo. Nsaba kumpabulamu.
Omuntu yenna alina okwesalirawo ky'ayagala. Ekizibu kye tulina mwana wange abantu bangi bagendera nnyo ku bye bawulira oba abantu abalala nga emikwano kye babagamba.
Omuntu alina obwongo era alina okukola ekyo ky'alaba nga kye kisaanidde. Abavubuka bangi batandika okwegatta sikuba nga baagala naye kubanga emikwano gyogera ku kwegatta.
Oluusi abo abagamba nti weegatte oyinza okwesanga nga tebakikolangako.
Kati mwana wange osobola okutandika okwegatta ku myaka gyonna gy'oyagala. Era tewali buzibu bw'oba teweegattangako.
Abavubuka bangi bafunye obuzibu nga embuto ne siriimu mu ngeri eno.
Ekirala oba munno alina emyaka 23 kitegeeza nti naye muntu mukulu era musobola okwogera ku nsonga eno eyo n'omubuulira ekiseera ne lwaki.
Musobola okutandika okulowooza ku ngeri gye musobola okuwona obulwadde obw'enjawulo omuli okwekebeza akawuka akaleeta mukenenya oba okukozesa kondomu.
Okwegatta kyabutonde era tosobola kulemererwa kukikola.
Ensolo zisobola okwegatta ani azibuulira eky'okukola? Ate jjukira nti tulina obwongo okusinga ensolo kale emirundi egisinga weesanga okikoze nga tewali akusomesezza. Twala obudde obumala otuuke okukikola ng'ekiseera kyo ekituufu kituuse.
