Omuyimbi Geoffrey Lutaaya akwatidde NUP bendera ku kifo ky'omubaka w'essaza ly'e Kakuuto mu disitulikiti y'e Kyotera asabye abatuuze okumussaamu obwesigwa bamutume mu Palamenti abakiikirire n'okubasakira n'asuubiza obutabayiwa.
Yabadde ku mukolo gw'okutongoza kampeyini ze ogwatandise n'okusaba okwakulembeddwa Rev. James Mubiru mu maka ge e Mityebiri mu ggombolola y'e Kasasa ku kyali waazaalibwa. Lutaaya yabadde ne mukyala we Irene Namatovu wamu ne banywanyi be abamuyambako okunoonya akalulu.
Lutaaya yagambye nti okusinziira ku buwagizi abantu bwe bamulaze n'amaanyi gaataddemu, alabira ddala ng'ensolo ku kizigo kweri. Rev. Mubiru yasabye Lutaaya buli kyakola okukikwasa Mukama Katonda ajja kuwangula.
