Musajja mukulu ono twamuguddeko mu kibuga Kampala ku kizimbe kya Gazaland ng'aliko omukyala gwanyumya naye. Omukyala yabadde atudde wansi ng'omusajja akutamye kyokka ng'emikono gye agiwummuzza ku bisambi by'omukazi. Twakitegeddeko nti y'omu ku bakazi abatunda obuviiri ku nguudo n'okuyita abakazi babasibe enviiri. Baaluddewo nga banyumya kyokka ng'abayise n'abantu ababeetoolodde bali mu kwewuunaganya n'okwekuba obwama nga beebuuza gye baliko n'abamu okulowooza nti Muzeeyi yabadde atokota omukyala ate abalala nti kirabika baabadde banyumya ku mbeera y'okwekalakaasa eyaliwo gye buvuddeko nga bwe yabakosezza ennyo. Kyokka waliwo abavubuka abaawuliddwa nga beeyogeza nti, tomanya oyinza okulaba Muzeeyi oyo ng'ali mu kutega kibatu. Kyokka abamu ne babiwakanya nga bagamba nti kirabika baliko bye baabadde banyumya n'oluusi okusanga nga mukwano gwe.
