Paapa Francis waakwogerako n'abe disitukiti y'e Bugiri ku lunaku lw'ebijaguzo lw'ebyobuvubi mu ggwanga ku Lwomukaaga olujja nga November 21, 2020.
Aba Minisitule y'ebyobulimi, ebisolo n'obuvubi abategese omukolo guno nga bayambibwaako banywanyi baabwe, bakakasizza nga Paapa Francis bw'ajja okwogerako n'abantu ku lunaku luno.
Joyce Ikwaput Nyeko omukungu mu kitongole ky'ebyobuvubi yategeezezza abaamawulire mu Kampala nti Paapa ajja kwogera wakati w'essaawa 4:00 ne 5:00 ez'oku makya. Obubaka buno bujja kuba ku katambi ka vidiyo okuva e Vatican mu Rome.
