Enfa ya Munnamawulire etabudde abatuuze b'e Kanyanya

BYA WASSWA B. SSENTONGO

Enfa ya munnamawulire eyasangiddwa ng'attiddwa ekyatabudde abatuuze mu bitundu by'e Kanyanya ne basaba poliisi okulaba ng'ekola okunoonyereza okuzuula ekituufu.

Abatuuze nga bakung'anidde ku Ambyulensi eyatutte omulambo.

Hadad Mubiru abadde akola ne BTM TV bwe baamaze okumutta omulambo gwe ne bagusuula ku kisaawe kya Express e Kanyanya mu ggombolola y'e Kawempe.

Abatuuze omulambo gwe baagulabye ku makya ne bayita poliisi eyazze n'egutwala mu gwanika ly'e ddwaaliro e Mulago.

Hussein Kyeyune eyabaddeko n'omugenzi nga tannaba kufa yategeezezza nti waliwo abantu abaamukubidde essimu ate yagenze okuddamu okumulaba ng'afudde.

Akulira ebyokwerinda ku kyalo kya Quarter zooni e Kanyanya, Hussein Kyeyune agambye nti ekiseera we baamuyitidde naye yabadde tamanyi nti munnamawulire. Asabye poliisi enoonyereze ezuule ekituufu ekyasse omuntu waabwe.

Amyuka omwogezi wa poliisi mu Kampala n'emiriraano agambye nti nga poliisi eri mu kaweefube okuzuula ekituufu ekyabaddewo.

 

Source