GRAVITY takyasabirwa, alaze amaka ge yaguze n'alumya abayaaye. Amaka gano Gilson Wabuyu amanyiddwa nga Gravity Omutujju yagaguze Buziga mu Munisipaali
y'e Makindye.
Agamba nti mu kaweefube gw'aliko okulaba ng'ayongera okwezimba n'okwekulaakulanya, yasazeewo ‘okweyiwamu' enju eno agigatte ku by'obugagga ebirala by'alina era w'osomera bino nga yasenguse n'ava e Munyonyo
gy'abadde abeera n'adda e Buziga.
Agamba okugula ennyumba n'ettaka kwetudde byamumazeko obukadde 150 gattako obukadde 50 bwe yakozesezza okugiddaabiriza.
Nga tannagula maka gano, yasoose kweyiwamu mmotoka ekika kya Land Cruiser V8 kati ‘mwavimbira' ng'enjogera y'ennaku zino.
Ono abadde akyajaganya nga n'abamu ku bawagizi be bwe bamuyozaayoza n'okumuwaana nti omuyimbi waabwe akamirwa bina, ate ne wabaawo abakimuteekako
nti omukulu ono ‘yalidde' era ze ssente kati z'asaasaanya.
Abamulangira okulya baatandika mwezi guwedde bwe yakuba oluyimba olugaana abavubuka okwenyigira mu kwekalakaasa olwo ne batandika okumulumba nti abaliddemu olukwe.
Gravity abasekeredde ng'agamba nti ne bwe boogera tebalina kye bagenda kumukolako.
"Nze Gravity ebyo tebindya ne bw'ogamba nti nalidde nze nga nkimanyi
siryanga obeera omala biseera era togenda kunzigya ku mulamwa.
