ABASIRIKALE 200 abaateekebwawo okuyambako mu biseera by'okulonda
bazizzaayo ebyambalo bya poliisi abamu nga bakukuluma olw'obutasasulwa
omwezi gwa March.
Mu November w'omwaka oguwedde poliisi yatendeka abasirikale bano okuyambako okulwanyisa obujjagalaalo mu biseera by'okulonda. Bano baatandika okukola mu January w'omwaka guno nga buli omu abadde asasulwa mitwalo 375,200/-.
Abeewandiisizza ku poliisi y'e Kawempe baasabiddwa okuzzaayo ebyambalo wabula baalaze okutya nti babibaggyeko nga tebannasasulwa omwezi gwa March ne basaba abakulira poliisi okutunula mu nsonga yaabwe kuba baalekawo emirimu gyabwe ne basalawo okukolera poliisi.
