OMUSUMBA w'essaza lya Kasana Luweero, Paul Semwogerere asabye bannaddiini okubeera Abasamaliya abalungi nga basumba abantu babalambike mu makubo agajja okubaggyako ebibi sso si kubafuukira kizibu.
Asinzidde ku Klezia ya Our Lady of Lourdes Catholic Parish e Nakasongola mu kutuuza Bwanamukulu w'ekifo kino, Fr. Thomas Yiga n"okusiiga abaana omuzigo n"anenya bannaddiini ababoggokera abagoberezi n'okubeesittaza n'agamba bano tebabeera Basamaliya balungi.
Asabye abazadde okuleeta abaana bangi okufuuka Abaseminariyo okusobola okutwala mu maaso okubuulira enjiri.
Omusumba Semwogerere avumiridde n'abasajja abatafaayo kukola kulabirira maka gaabwe, abaana n'abasaba okuwulira bakadde baabwe n'okunywerera mu masomero basobole okufuuka ab'obuvunaanyizibwa.
