EMBUUTU zibuutikidde ekifo ekisanyukirwamu ekya John Bosco Ssologgumba e Lukaya mu Kalungu.
Zino zipangisiddwa Fr. Joseph Kyakuwadde okusanyusa abagenyi be n'okubabeesabeesa ku kijjulo ky'abagabudde ng'ajaguza emyaka 50 mu Busaseredooti.
Abasajja abamu amazina g'abakute omubabiro ne batunka n'abazinnyi ekiwadde Fr. Kyakuwadde ne Bwannamukulu we Fr. Paulo Mukasa essanyu.
Abagenyi beemiisizza otwenge n'ebyokunywa ebirala n'okulya ekyongedde omujaguza essanyu ng'omugoma Mathias Ssenkubuge n'abagoma be bwe boogezza ebisoko by'engoma n'abazinnyi okunyeenya ebiwato ng'omutali magumba.
