Bya Luke Kagiri
Omusumba w'essaza lino Joseph Antony Zziwa, ye yalangiridde bino bwe yabadde akwasa abantu 50 ente zi Nusu bulaaya, ku kigo ky'e Mirembe Maria, ekiri mu disitulikiti y'e Kassanda.
Yagambye nti basookedde ku nte z'amata naye ekiseera kigenda kutuuka badde ku z'ennyama.
Ente zino zaavudde mu kitongole kya Klezia ekya Caritas nga zonna zaabadde Mawako.
Bp. Zziwa yagambye nti kaweefube ono agendereddwamu okuyamba abantu okwekulaakulanya mu byenfuna n'obulamu obwabulijjo.
Yakunze abatuuze balabire ku kikolwa ky'okuweebwa ente zino nga bonna bafunye awatali kusosola mu ddiini n'agamba nti bonna balina okubeera obumu n'okweyisa obulungi.
Fr. Simon Peter Kyambadde ku lw'ekitongole kya Caritas, yasabye abafunye ente bazirabirire bulungi, zisobole okubayamba.
Source
