Eyeefudde agula essimu n'aginyaga bamukubye mizibu

Bya Rosemary Nakaliri 

Abasuubuzi b'oku Kaleerwe baazingizza ababbi abeefudde bakasitoma abazze okugula essimu kyokka ne bamaliriza nga babbye gye baabadde balamuza, ne bakwatako omu ne bamukuba katono bamutte.

Abavubuka bano kuliko; Steven Ssessanga,23 ne munne eyategeerekeseeko erya Kintu ng'ono yadduse. 

Abaserikale nga baddusa Sessanga okumuggya ku batuuze abaabadde bamukuba.

Okumukwata kyaddiridde nnyini dduuka okukuba enduulu bwe yalabye ng'omu adduka n'essimu gye yabadde alamuza olwo ne munne n'adduka kyokka abasuubuzi ne babagoba ne bakwata Ssessanga  gwe baakubye katono bamutte nga poliisi ye yamutaasizza.

Poliisi yatutte Ssessanga mu ddwaaliro okufuna obujjanjabi bw'anaawona abayambeko mu kunoonyereza munne  eyadduse n'abalala b'akolagana nabo.