Omwogezi wa poliisi Fred Enanga yagambye nti abamu ku bannabyabufuzi ebipande baabitimbye ku kamera zaayo ze yassaawo okuketta abamenya amateeka.
N'agamba nti bannabyabufuzi bano ebifananyi baabitimbye mu ngeri eremesa kamera zino okulondoola obulungi abamenya amateeka n'ategeeza nti bagenda kukolagana n'ab'obuyinza mu bitundu ebyo ebipande babitimbuleyo.
Bino yabitegeezezza bannamawulire mu Kampala era n'alabula bannabyabufuzi abaayise mu kamyufu k'ebibiina by'obufuzi okukirira okuvuganya ku bifo ebitali bimu obutantala kukola bubaga kuba bwawerebwa olw'okwewala obulwadde bwa ssenyiga.
Yagambye nti waliwo ne banabyabufuzi abatayitamu nabo abatandise okugezaako okukunga abantu okwekalakaasa nakyo poliisi ky'etajja kukiriza kuba enkung'ana zaabwe olwa ssenyiga wa corona.
Enanga yasabye abantu okwongera okukwata ebyabalagira abasawo ne gavumenti okwewala ssenyiga ono gwe yagambye nti yeyongera okusasaana mu ggwanga buli lukya. N'agamba nti waliwo abeesuliddeyo ogwa naggamba nga balowooza nti Corona afanana ne ssenyiga owa bulijjo atatera kutta bantu,.
