ABOOKYA enkoko e Wandegeya nga bakulembeddwa Mustafa Kafeero beebazizza kkampuni ya Vision Group etwala ne Bukedde olw'obuweereza obusimbye emirandira ku muntu waabulijjo.
Bano nga buli omu yaguze kkopi ya Bukedde bajjuzza obukonge bwa Gabula nga bwe bawaga nti ku luno nabo kabeeriire ku byassava ku Ssekukkulu. "Ffe abenkoko e Wandegeya twalina abatutawaanya nga baagala na kutugoba wano, naye bwe twayita Bukedde n'afulumya ensonga zaffe, ebyaffe byatereera era tewakyali atunyeenya.'' Kafeero bwe yakkaatirizza.
Yakubirizza abantu mu Uganda yonna okwetaba mu kazannyo ka Gabula Ssekukkulu Eddigobe akategekeddwa Bukedde ng'addiza ku basomi be, abalabi n'abawuliriza. Okwetaba mu kalulu kano gula kkopi y'olupapula lw'amawulire olwa Bukedde ku 1,000/- zokka, ogende ku muko ogwokubiri okuli akakonge.
Jjuzaamu erinnya lyo, ennamba yo ey'essimu ne gy'obeera. Bw'omaliriza, akakonge kaleete ku ofi isi zaffe e Lugogo mu kibangirizi kya bannamakolero oba okawe agenti waffe eyo gy'oguze amawulire. Ate ku Bukedde Fa Ma ‘Embuutikizi' linda oluyimba lwa Philly Lutaaya olwa ‘Merry Chrismas' nga kazannyiddwa.
Bw'okuba essimu nga ggwe owookusatu, ojja kubeera muwanguzi ogende mu ‘supermarket' ya Mega Standard weefunire ebyassava. Ne ku Bukedde Ttivvi, bw'olaba oluyimba lwe lumu n'okuba essimu, obeera owangudde. Gabula Ssekukkulu w'omwaka guno awagiddwa kkampuni y'ebyenkoko eya UgaChick, abatunda wayini wa Mary and Jesus Wines ne Mega Standard supermaket.
Abantu abalala abalina omutima omugabi bakyasobola okwegatta ku Bukedde okwongera ku birabo ebinaagabibwa mu Gabula Ssekukkulu.
