Ssentebe w'olukiiko olugatta Abasumba ba Eklezia olwa Uganda Episcopal Conference,
Omusumba Joseph Antony Zziwa asabye gavumenti, eyambe Eklezia ng'ekendeeza ku misolo egiteekebwa ku bintu by'ekola ebiba biyamba abantu oba okuguggyirawo
ddala.
Bp. Zziwa yagambye, nti Eklezia erina obuweereza bungi obuyamba Bannayuganda bonna
nga tesosodde mu ddiini, naye oluusi emisolo gisukka obungi ne giremesa enteekateeka ebeera eruubirirwa.
Dr. Zziwa era nga ye Musumba w'essaza lya Kiyinda Mityana okusaba Gavumenti yasinzidde mu kigo ky'e Rwanjiri mu disitulikiti y'e Kassanda bwe yabadde alambula
abalimi n'abalunzi, abayambibwako essaza lye.
Baaweebwa ente za nnusubulaaya nga ziva mu kitongole kya Eklezia ekya Caritas, ng'abamu batandise okutunda amata.
