Kitalo Ssaabasumba eyawummula Odongo ne Faaza Jjagwe ne bafudde lumu!
Fr. Charles Jjagwe bwannamukulu w'essaza Wamba Mission afudde. Ono ava Ssaza ly'e Masaka era yaliko bwannamukulu of Bweyogerere.
Ono yakebeddwa e Kenya nga yaakava mu Uganda n'asangibwa n'obulwadde bwa Covid 19 n'atwalibwa mu Mpisha Hospital e Nairobi gy'afiiridde ku ssaawa nga 5:00 ez'oku makya.
Ate Ssaabasumba eyawummula ow'essaza lye Tororo, James Odongo yafiiridde Nsambya ku makya ga leero .
Okusinziira ku muwandiisi w'olukiiko olugatta Abasumba Msgr. John Baptist Kauta ono yatwalibwa e Nsambya ku Lwokubiri era yafudde ggulo ku myaka 89.
Kauta yagambye Odongo baamuweereza e Nsambya nga bamuggya e Tororo olw'embeera ye okuba embi ate nga yeeyongera kunafuwa.
Fr Philip Odii, omwogezi w'olukiiko olugatta abasumba yakakasizza okufa kwa Odongo.
Odongo yazaalibwa ku kyalo Molo mu disitulikti ye Tororo nga March 27, 1931.
