Abayamba ku poliisi okulwanyisa obumenyi bw'amateeka (crime preventers) balabuddwa ku nsimbi za SA CCO obuwumbi 14 ezaabaweereddwa pulezidenti Museveni nga zaabasuubizibwa mu 2017.
Ba ‘crime preventer' okuva mu bitundu bya Bugisu, Sebei, Bukedi ne Teso baakungaanidde ku Mbale SS we baasisinkanidde ababakulira n'abakulu mu UPDF. Col. Saadi Asadi Katemba yabategeezezza nti gavumenti yamaze dda okuyisa ssente zino era mu bwangu zigenda kussibwa ku akawunti zaabwe eri sacco ezirina ebisaanyizo.
Yabalabudde okubasiba singa bazibulankanya. Bano era baakubiriziddwa okutambuza kakuyege w'okunoonyeza pulezidenti Museveni akalulu.
Ate Brig. Gen. Bright Walimbwa yategeezezza nti ssente zino wadde zijjidde mu biseera bya kalulu naye si za bululu wadde ebyobufuzi wabula za kwekulaakulanya na kweggya mu bwavu.
