Kabaka alagidde abakiise abeeyanzizza obwami mu maaso okulaba ng'emirimu gy'Obwakabaka gitambula bulungi.
Omutanda abadde ne Nnabagereka Sylvia Nagginda yeebazizza bonna abakoze emirimu gy'Obwakabaka mu kiseera kino ekizibu ekifumbekeddemu obulwadde bwa ssenyiga omukambwe n'abasaba okugenda mu maaso.
Katikkiro wa Buganda Charles Peter Mayiga yeebazizza Kabaka olw'okubalambikanga naye n'alaga essuubi nti emirimu gy'Obwakabaka gyakugenda mu maaso n'abakiise bano abaggya.
Olukiiko luno lwali lulina okuggulwawo mu August 2020 kyokka olw'embeera y'obulwadde bwa Ssenyiga kkolona eyaliwo mu ggwanga tekyasoboka.
Bya DICKSON KULUMBA
