Bya James Magala
OMUBAKA wa Pulezidenti e Nakawa, Herbert Anderson Burora alabudde Abaserikale abeekobaana n'abamenyi b'amateeka.
Burora okukola okulabula kuno kiddiridde abakulembeze ba LC ez'enjawulo mu Nakawa okumuloopera abamu ku basajja be be balumiriza okulya enguzi ku bakifeesi abatigomya ebitundu byabwe olwo ne babata awatali kubavunaana.
Bino baabyogeredde mu lukiiko lw'ebyokwerinda olwatuuziddwa e Kitintale okusala amagezi ku ngeri y'okulwanyisa bakifeesi abasitudde enkundi mu Nakawa.
Mu kwanukula Burora yalabudde abaserikale ababadde bakola ebikwekweto ne bayoola bakifeesi wabula ne babajjako ssente olwo ne babata nti bubakeeredde era agamba nti yenna anaakwatibwa ajja kusibira mu nkomyo.
Mu ngeri y'emu Burora yalagidde bassentebe b'ebyalo mu Nakawa yonna okuwandiisa abatuuze okusobola okulwanyisa obuzzi bw'emisango.
Source
