Bya Ruth Nazziwa
Minisitule y'ebyobulamu egamba nti abasawo okutya abalwadde b'ensimbu kye kimu ku bivuddeko obulwadde buno okweyongera mu ggwanga.
Dr Hafswa Lukwata akulira ekitongole ekirwanyisa endwadde z'emitwe n'enkozesa y'ebiragalagala mu minisitule y'ebyobulamu agambye nti abasawo bangi mu malwaliro balina endowooza enkyamu ku balwadde b'ensimbu nga kino kivuddeko abasawo abo okuwa abalwadde b'ensimbu eddagala ekkyamu mu ngeri y'okubeggyako.
Dr.Hafswa Lukwata w'asinzidde n'alabula abasawo abakolera mu malwaliro ga Gavumenti okulekera awo omuze gw'okusosolasosola mu bantu abalina
ensimbu.
Akulira ekitongole ekibudaabuda abalwadde b'ensimbu ekya "Epilepsy Support Association Uganda" Sarah Nekesa agambye nti obuzibu bwe basinze okufuna buvudde ku bifo we baali bajjanjabira abalwadde b'ensimbu byonna okufuulibwa amalwaliro ga ssennyiga omukambwe, COVID-19
Okusoomoozebwa abalwadde b'ensimbu kwe basanga kwa ddagala.Kuba eddagala mu malwaliro ttono ate ng'olina okubeera ku ddagala.
