RCC agumizza abasuubuzi abagobwa ku ttaka mu Kisenyi

Bya Rosemary Nakaliri

ABASUUBUZI abakolera mu Kisenyi, Mengo ku Musajja Alumbwa beekubidde enduulu ewa RCC wa Kampala ku bantu ababagoba ku ttaka lino. Kiddiridde okufuna obubaka obubatiisatisa okwamuka ekifo obutasukka mwezi guno bwe batakikola baakuboonoonera ebintu byabwe.

RCC wa Kampala, Hawa Ndege yabasisinkanye n'okulambula ekifo we babagoba n'abagumya nti tewali agenda kubagoba.

[image_library_tag 7594c54d-6866-4217-8073-1cd39e0bb4ef 703x469 alt="RCC wa Kampala Central, Hawa Ndege mu ng'asisinkanye abasuubuzi abakolera ku Musajjaalumbwa abeemulugunya ku bantu ababagoba mu kifo we bakolera." width="703" height="469" ]

RCC wa Kampala Central, Hawa Ndege mu ng'asisinkanye abasuubuzi abakolera ku Musajjaalumbwa abeemulugunya ku bantu ababagoba mu kifo we bakolera.

Yalabudde abalina enteekateeka y'okutaataaganya abantu bano okukikomya wabula beeyanjule mu ofiisi ye n'ebiwandiiko ebikakasa nti ekifo kyabwe.

Ate nnannyini kifo kino Sula Mawanda yategeezezza nti abatiisatiisa abapangisa be tabamanyi