FILBERT Muwonge, ng'ono mutabani wa kyampiyoni w'emmotoka z'empaka owa 2011 ne 2018, afuludde banne mu ddigi z'empaka.
Muwonge, guno mulundi gwakubiri okuvuganya mu za ddigi wabula yasobodde
okumegga banne mu mutendera oguddirira abato (MX50cc). Mu be yamezze,
mulimu n'abaludde nga bali mu muzannyo.
Obuwanguzi buno, Muwonge yabufunidde mu mpaka 'National Motocross Championship' ezaabadde e Garuga ku Paasika. Yawangudde buli lukontana n'akungaanya obubonero 60.
