OMUKAZI Juliet Aikoru ow'e Kazo Angola akwatiddwa ng'abadde amaze ebbanga ng'atulugunya abaana ba muggyawe be yalekera omusajja.
Ono ab'akakiiko k'ekyalo baamutabukidde annyonnyole lwaki atulugunya abaana, okubasuza mu kaabuyonjo n'okubakuba buli kiseera nga kati bonna bajjudde nkovu na bisago.
Abatuuze baategeezezza nti ono okutulugunya abaana bano abaddenga akikola ne mutowe oluvannyuma lwa kitaabwe okukwatibwa n'asibwa ng'alina emisango egimuvunaanibwa.
Aikoru ne mutowe abatuuze baabakubyemu ku mbooko okubabonereza. Ssentebe w'ekyalo kino Jane Fancis Namukasa agambye nti, baamulabudde obutakiddamu kubanga omulundi omulala ensonga bagenda kuzongerayo.
