Omumyuka wa ssentebe wa NRM mu Buganda, Godfrey Kiwanda Ssuubi atongozza akakiiko akagenda okunoonyeza Pulezidenti Museveni akalulu mu bitundu bya Buganda.
Akakiiko kano katuumiddwa " Buganda for Museveni" nga katuulako abakulembeze ba NRM abasinga obungi mu bitundu bya Buganda nga bano bagenda kutalaaga kyalo ku kyalo nga banoonyeza Museveni akalulu okulaba nga bamutuusa ku buwanguzi.
Kiwanda yategeezezza nti batunuulidde okulaba nga pulezidenti Museveni awangulira waggulu nnyo wakati w'ebitundu 70 ne 80 mu kulonda kwa bonna mu 2021.
Yagambye nti okusinga bagenda kuba nga basisinkana abavubuka abavubuka bongere okubannyonnyola ebirungi Museveni byakoledde eggwanga lino.
