Tuleera ebadde ekubyeko sementi egoyezza mmotoka y'abalambuzi basatu ne bafiirawo omu n'addusibwa mu ddwaaliro e Nkozi ng'abulako kikuba mukono.
Tuleera eno eya kkampuni ya Moses HK Hardware nnamba UBB 170D ebadde eva Masaka ng'edda Kampala n'etomeragana ne mmotoka y'abalambuzi ekika kya Land Cruiser nnamba UAJ 036A ebadde eva eKampala ng'edda e Masaka.
Akabenje kano kagudde Kasaalu Mugge okumpi nomugga gw'e Katonga ku lw'e Masaka, mmotoka y'abalambuzi bw'ebadde egezaako okuyisiza ku kaserengeto n'esanga tuleela ng'eri ku misinde egya yiriri n'ezitomeregana bwenyi ku bwenyi. abalambuzi basatu ne bafiirawo.
Poliisi y'e Kayabwe eggyeyo emirambo n'emmotoka tureera gy'egoyezza ng'esigadde kimpampagalu.
Abaafudde kuliko; ddereeva Yusuf Walimbwa , Gilbert Kemei , Summy Kipock ate Reuben Kipkuru n'addusibwa mu ddwaaliro nga biwalattaka.
Akulira poliisi y'e Kayabwe Afande Kaahwa ategeezezza nti akabenje kavudde ku kuvugisa kimama.
Source
