CAF Confederations Cup (Jan. 6)
KCCA - AS Kigali e Lugogo
MORLEY Byekwaso, amyuka omutendesi wa KCCA FC, agumizza abawagizi nti AS Kigali bagenda kugiwanduliramu e Lugogo.
Mu nsiike eno esuubirwa okuba ey'okufa n'okuwona, KCCA yeetaaga obuwanguzi bwa ggoolo 3-0 okugenda ku luzannya oluddako, Byekwaso ky'agamba nti kisobokera ddala kuba ebizibu bijja kuba biweddewo.
Mu gwasoose e Rwanda, KCCA yalemeddwa okuweza abazannyi 15, CAF, ekibiina ekivunaanyizibwa ku mupiira mu Afrika, be kiragira ttiimu okubeera nabo ng'omupiira tegunnatandika.
KCCA yabadde n'abazannyi 14, CAF omupiira n'egusazaamu obubonero n'ebuwa bannyinimu aba AS Kigali.
Ekiwandiiko CAF kye yafulumizza, kyalaze nti ttiimu yonna mu mpaka zino okuzannya omupiira erina okubeera n'abazannyi abatandika mu kisaawe 11 n'abatuula ku katebe 4, (be bazannyi 15). KCCA yagenda n'abazannyi 15 nga bonna baakeberwa corona era nga bonna balamu, wabula bwe baatuuse e Rwanda ne baddamu okukeberebwa ng'omu mulwadde.
" We tunaazannyira omupiira gw'okuddihhana, abazannyi baffe bonna tubasuubira okubaawo, era tugenda kukola ekisoboka okuwangula omupiira guno," Byekwaso, eyabadde mu mitambo gya ttiimu eno, bwe yategeezezza.
Abazannyi 10 n'abatendesi Mike Mutebi, Jackson Magera ne Moses Oloya, tebaatambula na ttiimu lwa corona.
KCCA yakomyewo ku Lwokuna ekiro ate eggulo ku Lwomukaaga, abazannyi n'abatendesi bonna baabadde balina okuddamu okukeberebwa leero ku Ssande, baddemu okutendekebwa.
KCCA FC eruubirira kuwangulira ku ggoolo 3-0, wabula mu myaka etaano, teri ttiimu gye yali ezikubidde Lugogo.
Sunday, December 27, 2020
AS Kigali tujja kugiggyamu - KCCA FC
Popular Posts
-
EMBEERA y'akabuga Lukaya ku luguudo lwa Kampala-Masaka ekyali ya kimpoowoze okuva omuggalo gwa Corona...
-
HERBERT Twine (wakati) eyakuyimbira ennyimba nga 'Saabisaanira, Sibyakyama, Ompangudde ne Siryerabira ...
-
Scientists are putting an herbal remedy from Madagascar, purported to cure COVID-19, to the test. Researchers at Germany's Max Planck ...
-
ABATUUZE okuva mu byalo 10 ebikola omuluka gw'e Kasubi beeyiye mu bungi ku ssom...
-
In many homes around Jebel Boma county, dinner consists of bitter-tasting leaves that can be picked off the bushes outside. The leaves are...
-
South Africa's Health minister says the nation will still hit its COVID-19 vaccination targets, even as it pauses the use of the Johnson...
-
ROBERT Kyagulanyi Ssentamu bwe yabadde e Bundibugyo, yalengezza abawagizi be mmotoka...
-
Washington, U.S. | Xinhua | The emergence of Omicron has somehow vindicated what China has been doing to prevent and control the COVID-19 pa...