SSAABALABIRIZI w'Ekkanisa ya Uganda, Dr. Stephen Kazimba Mugalu asabye bannaddiini okuvaayo okukoma ku poliisi ekendeeze eryanyi erisusse mu kiseera kino ng'eggwanga lyetegekera okulonda kw'omwaka ogujja.
Kazimba yagambye nti, buvunaanyizibwa bwa bannaddiini okulyowa emyoyo n'okulaba ng'eggwanga teribeeramu butabanguko wadde abantu okuttibwa.
Okwogera bino, Kazimba yabadde atuuza abadinkoni n'abaawule mu Lutikko ya All Saints e Nakasero ku Ssande. Okusaba Kazimba yakukulembeddemu ng'ayambibwako Omulabirizi omubeezi owa Kampala Bp. Hannington Mutebi, Rec. Can. Titus Baraka ne Provost wa Lutikko y'e Nakasero Rev. Can. Rebecca Nyegenye.
Kazimba yagambye nti era buvunaanyizibwa bwa bannaddiini okukoma ku bavubuka abeekalakaasa nga boonoona ebintu nti, kizza eggwanga emabega.
