MUKYALA wa Robert Kyagulanyi, Barbie Itungo Kyagulanyi yalidde matereke n'aduumira abaserikale ba Poliisi abakkakkanya obujagalalo abatambulira ku bba.
Barbie okutabuka baabadde mu bitundu by'e Ishaka ku Lwomukaaga nga Robert Kyagulanyi akwatidde NUP bbendera ayigga akalulu.
Baabadde bagenda mu bitundu by'e Rubiriizi kyokka bwe baatuuse mu kkubo ne bagaanibwa. Abaserikale mu ngeri y'okugumbulula abawagizi ba NUP baakubye mu bawagizi omukka ogubalagala ekyavuddeko akavuyo.
Aba NUP baalemeddeko ekyaviiriddeko eyabadde aduumira poliisi okulagira basajja be okufuuyira omumyuka wa NUP e Bugwanjuba Jolly Mugisha kaamulali mu maaso.
Barbie yavudde mu mmotoka mwe yabadde ne bba Robert Kyagulanyi n'alumba omuduumizi ono eyategeerekeseeko erya Mukiibi ng'amubuuza ekyamuviriddeko okufuuyira omukyala ono kaamulali mu maaso, Beezoobye okumala ekiseera okutuusa bba Bobi bwe yazze n'amuyita badde mu mmotoka.
Wano Mukiibi yeewozezzaako nti yabadde afuuyira ba bodaboda, kaamulali n'awaba n'akwata Mugisha.
Oluvannyuma beeyongeddeyo e Rubiriizi, Kyagulanyi gye yayongedde okukasa abaayo nti kati kiseera kya bavubuka era bamwesige nga bamuyiira obululu awangule obwapulezidenti.
Ku Ssande Kyagulanyi yakedde mu Klezia esangibwa ku kigo ky'e Nyamitanga mu Mbarara okumuwa omukisa.
Fr. Deus Twesigye yamwanirizza n'akkiriza okumuwa omukisa kyokka n'amugaana okubaako ky'ayogera. Fr. Twesigye ye yamwogeredde bwe yategeezezza abazze okusinza nti, "Wuuno azze anoonya kalulu, sigenda kumukkiriza kukubira wano kampeyini ze naye mumulabye abaagala mumuwe akalulu naye gwo omukisa ngumuwadde!"
Olwamaze okuweebwa omukisa, Kyagulanyi, Barbie ne ttiimu ya NUP ne beeyongerayo mu kibuga Mbarara.
Monday, December 21, 2020
Barbie alidde matereke n'abapoliisi e Ishaka
Popular Posts
-
EMBEERA y'akabuga Lukaya ku luguudo lwa Kampala-Masaka ekyali ya kimpoowoze okuva omuggalo gwa Corona...
-
Scientists are putting an herbal remedy from Madagascar, purported to cure COVID-19, to the test. Researchers at Germany's Max Planck ...
-
HERBERT Twine (wakati) eyakuyimbira ennyimba nga 'Saabisaanira, Sibyakyama, Ompangudde ne Siryerabira ...
-
ABATUUZE okuva mu byalo 10 ebikola omuluka gw'e Kasubi beeyiye mu bungi ku ssom...
-
South Africa's Health minister says the nation will still hit its COVID-19 vaccination targets, even as it pauses the use of the Johnson...
-
In many homes around Jebel Boma county, dinner consists of bitter-tasting leaves that can be picked off the bushes outside. The leaves are...
-
ROBERT Kyagulanyi Ssentamu bwe yabadde e Bundibugyo, yalengezza abawagizi be mmotoka...
-
Washington, U.S. | Xinhua | The emergence of Omicron has somehow vindicated what China has been doing to prevent and control the COVID-19 pa...