Ekitongole ky'okubunyisa enjiri mu bulabirizi kiraze we kituuse ku mulimu gw'okuzimba ekitebe kyakyo ekya Mission House.
Ekizimbe kino ekyabalirirwa okuwemmenta obuwumbi bwa ssente 7, kiri kumpi ne Lutikko y'e Namirembe.
Rev. Samuel Muwonge, akulira ekitongole ekibuulira enjiri mu bulabirizi bwe yabadde mu kkanisa ya St. Apollo Kivebulaaya e Namasuba ku Lwomukaaga, yategeezezza Abakristaayo nti omulimu ogugenda mu maaso munene era gwetaaga obuyambi okuva mu buli muntu.
Ekizimbe kino ekya kalina kigenda kubeerako ofiisi z'ekitongole kino, awalala wabeere wa kupangisa okusobola okuggyamu ensimbi ez'okuyimirizaawo omulimu gw'okubunyisa enjiri mu bulabirizi ne mu ggwanga lyonna.
Waggulu waakyo we wagenda okukungaanirwa mu by'okusinza.
