Derrick Nyeko akwatidde ekibiina kya National Unity Platiform (NUP)bendera okuvuganya ku kifo ky'omubaka wa Makindye East mu Palamenti yeenyodde ne poliisi
ng'emulemesa okukuba enkungaana e Kabalagala.
Nyeko ku Ssande akawungeezi yeenyodde ne poliisi e Kabalagala ng'anoonya akalulu. Kiddiridde ekitongole ky'ebyokulonda okuyimiriza kampeyini mu bitundu bya Kampala ne disitulikiti endala olw'obulwadde bwa corona.
Nyeko yategeezezza poliisi nti yabadde takung'aanya bantu wabula atuukirira muntu ku muntu n'amusaba akalulu era aba tamenye mateeka ga byabulamu.
Poliisi yagumbuludde abantu abaabadde bakung'aanye naye ne bamukaka okudda ewuwe e Kawuku.
