Nze sinoonya mulimu nzize kuweereza bantu - Omubaka Kayemba

Bya Emmanuel Ssebanenya

Geoffrey Kayemba Ssolo omubaka omulonde owa Bukomansimbi South agambye nti mwetegefu okuweereza abantu abaamulonze okulaba nga tabajuza.

Kayemba lwe yagenda okwewandiisa n'ensawo ya jjajja we gy'agamba nti ya buwanguzi.

Ono yazze mu kifo ky'omubaka Deogratious Kiyingi gwabadde avuganya naye. Kyokka ku bamugamba nti okwesimbawo abadde anoonya mulimu, Kayemba yategeezezza nti ye abadde tanoonya mulimu wadde ssente kubanga byonna abirina ng'ayagala kuweereza bantu n'okukulaakulanya ekitundu gye bamuzaala.

Nze nnina emirimu gyange eginsasula obulungi era ndi maneja w'abayimbi Rema Namakula ne Chris Evans. Mu kiseera kye kimu ndi kittunzi w'abasambi b'omupiira mu Uganda n'ensi z'ebweru  mwenfuna ssente eziwerera ddala.