Abakkiriza bajjukidde Ssaabasumba Joseph Kiwanuka

 

By Juliet Lukwago

Abakkiriza bajjukidde Ssaabasumba Joseph Nakabaale Kiwanuka eyafa nga February 22, 1966 n'aziikibwa mu Eklezia Lutikko e Lubaga.

Mmisa y'okumujjukira yakulembeddwa omu ku bamyuka ba Bwanamukulu w'e Lubaga, Fr. Kabagira ng'ayambibwako Fr. Henry Mubiru.    Fr. Kabagira yategeezezza nti Kiwanuka yafuuka Ssaabasumba ku myaka 39 egy'obukulu.

[image_library_tag 776c956d-065d-47f7-8ba3-9087e4c36039 703x467 alt="Fr. Kabagira ne Fr. Henry Mubiru nga bassa ekimuli ku ntaana ya Ssaabasumba Joseph Kiwanuka mu Eklezia e Lubaga bwe baabadde bamujjukira. Yafa nga February 22, 1966." width="703" height="467" ]

Fr. Kabagira ne Fr. Henry Mubiru nga bassa ekimuli ku ntaana ya Ssaabasumba Joseph Kiwanuka mu Eklezia e Lubaga bwe baabadde bamujjukira. Yafa nga February 22, 1966.

Ssaabasumba Kiwanuka yazaalibwa Nakirebe abagenzi Victoro Katumba Mundu  -kanika ne Felicitas Nankya Namukasa Ssabawebwa nga June 25, 1899, yali ssaabasumba okuva mu 1960 okutuuka bwe yafa mu 1966.  

Fr. Kabagira ne Fr. Mubiru nga beegattiddwaako ssentebe wa Lubaga Foundation, Dr. Saturninus Kasozi Mulindwa n'abalala ne baganzika ekimuli ku ntaana ye.  Ssaabasumba Kiwanuka okusooka yali ateereddwa mu ntaana g'omubiri gwe abajja ku ntaana ye bagulaba naye oluvannyuma entaana yonna n'ezimbibwa