Ekikangabwa kigudde mu kyalo Kibwa e Nansana ekikomera ky'omugagga ategeerekese nga Hajji Ssemakula bwe kigwiiridde ennyumba ku ssaawa 9:00 ez'ekiro omwana omu n'afiirawo mbulaga ate basatu ne baddusibwa mu ddwaaliro nga biwalattaka.
Afudde ye Gift Daisy Nakimuli 14, asoma mu Motherland SSS e Nansana mu S1 ng'ono muwala wa Harriet Namwanje ne Godfrey Kafumbe Mukasa.
Abalala abasatu abalumiziddwa bawala ba Easter Nantaba kuliko; Damalie Kentunza asoma 18, Lyn Nakayagaba 10, ne Lina Namugwanya 6.
Source
