ABADDUKANYA Yunivasite y'e Kyambogo bakyasobeddwa ku by'okutegeka okutikkira abayizi omwaka 2019/2020.
Amyuka akulira yunivasite eno, Polof. Eri Katunguka, yasinzidde ku yunivasite eno n'ategeeza bannamawulire nti mu kiseera kino bbo ng'abaddukanya Yunivasite bakyasobeddwa eky'okukola okusobola okutikkira abayizi.
Polof.Katunguka yategeezezza nti wadde nga Gavumenti yakkiriza abayizi abali mu mwaka ogw'akamalirizo ku yunivasite okuddayo okumaliriza emisomo gyabwe nga October 17, erang'abayizi baasobodde okukola ebigezo ebyakomekkerezeddwa
nga November 29 kyokka enteekateeka z'okubatikkira zikyali mu lusuubo.
Polof. Katunguka agamba abayizi 13,000 be baatudde ebibuuzo ebyakamalirizo nti
kyokka tebalina ngeri gye bayinza kutikkirwa kubanga bangi kubo bakyabuliddwa ebifo gye bagenda okugezesebwa, ekimu ku bisaanyizo ebikulu omuyizi by'ateekwa
okuba nabyo okusobola okutikkirwa, olw'ensonga nti amakampuni n'amasomero gakyali mu muggalo olwa corona.
N'agamba nti baakugumiikiriza okutuusa ng'embeera eteredde.
