Dr. Sarah Nkonge omu ku bavuganya ku kifo ky'omubaka omukyala owa Lwengo asimattuse okufiira mu kabenje. Mmotoka ye ekika kya Prado TX nnamba UAS 982Y etomedde omwana Shadia Namuwaya 9 abadde ku mabbali g'oluguudo ne yeefuula emirundi esatu n'amenyeka n'okufuna ebisago eby'amaanyi wamu ne ddereeva we. Akabenje kano akafunidde mu bitundu by'e Kayabwe ku luguudo lw'e Masaka kumakya ga leero.
Poliisi y'e Kayabwe eyanguye okutuuka mu kifo kino n'abadduukirize ne baddusa Sarah Nkonge, ddereeva we Vianney Mugenyi ne Shadia Namuwaya mu ddwaaliro enkozi gye bapooceza n'ebisago.
Mutabani wa Dr. Nkonge, Hamfrey Muwonge ategeezezza nti akabenje kandiba nga kaavudde ku ddereeva wa nnyina (Vianey Mugenyi) abadde akooye wadde nga ye agamba nti yeekanze kabangali ebadde egezaako okubeekiika mu maaso n'awaba n'atomera omwana.
