Ebyokwerinda binywezeddwa mu katale k'e Kasubi abasuubuzi ababade bakolera ku kkubo bwe baabadde basenguka n'okusomba ebintu byabwe okuyingira akatale akapya.
Abasuubuzi bano baweereddwa ennaku bbiri zokka okwamuka ekifo kino nga batandise leero. We tukoledde eggulire lino ng'abamu ku basuubuzi baatandise dda okusomba emmaali yaabwe okugiyingiza mu katale wakati mu bukuumi obw'amaanyi nga beekengera ekiwayi ky'abasuubuzi ababadde bawakanya okuyingira akatale akapya nga bawoza nti kafunda.
